2 గంటల్లోగా శ్రీవారి దర్శనం.. శ్రీవాణి ట్రస్టు రద్దు.. టీటీడీ కీలక నిర్ణయాలు

తిరుమలలో ప్రక్షాళన దిశాగా టీటీడీ నూతన పాలకమండలి పలు కీలక నిర్ణయాలు తీసుకుంది. తిరుమలలోని అన్నమయ్య భవన్‌లో టీటీడీ ఛైర్మన్‌ బీఆర్‌ నాయుడు అధ్యక్షతన సోమవారం ధర్మకర్తల మండలి సమావేశం జరిగింది. ఈ సమావేశంలో శ్రీవాణి ట్రస్టు రద్దు, ఆర్టిఫిషియల్ ఇంటెలిజెన్స్ ద్వారా రెండు గంటల్లోగా సర్వదర్శనం, నిత్యాన్నదానం, టీటీడీ సిబ్బందికి బ్రహ్మోత్సవ బహుమానం పెంపు ఇలాంటి పలు కీలక నిర్ణయాలు తీసుకున్నారు. అలాగే తిరుమలలో విశాఖ శారదాపీఠానికి కేటాయించిన భూమిని స్వాధీనం చేసుకోవాలని నిర్ణయించారు. ముంతాజ్ హోటల్ నిర్మాణానికి ఇచ్చిన భూమిని టీటీడీకి ఇవ్వాలని ప్రభుత్వాన్ని కోరాలని నిర్ణయించింది. ఈ వివరాలను టీటీడీ ఛైర్మన్ బీఆర్ నాయుడు వెల్లడించారు.