21 ఏళ్లు నిండిన మహిళలకు సూపర్ ఛాన్స్.. ఉచిత శిక్షణ, ఆపై 100 శాతం ఉద్యోగం.. దరఖాస్తు ఇలా..

స్టీరింగ్ పట్టండి.. స్వశక్తితో ఎదగండి.. హైదరాబాద్‌లోని మహిళలకు స్వయం ఉపాధి కల్పించే దిశగా తెలంగాణ మహిళా భద్రతా విభాగం, హైదరాబాద్ పోలీసుల సహకారంతో డ్రైవర్ ఉద్యోగ మేళాను నిర్వహిస్తోంది. మహిళల భద్రత, ఆర్థిక స్వావలంబన లక్ష్యంగా బైక్ టాక్సీ, ఈ-ఆటో డ్రైవింగ్‌లో శిక్షణ ఇవ్వనున్నారు. ఉచిత డ్రైవింగ్ శిక్షణ & లైసెన్స్ జారీలో సహాయం, డ్రైవింగ్ అనుభవం లేకున్నా దరఖాస్తు చేసుకునే వెసులుబాటు.. వాహన లోన్/ లీజు సౌకర్యం అండ్ ఉపాధి అవకాశం ఉంటుందని సీపీ సజ్జనార్ సోషల్ మీడియా వేదికగా పోస్ట్ చేశారు. 21–45 ఏళ్ల మహిళలు (హైదరాబాద్ వాసులై ఉండాలి).. పోలీస్ ట్రైనింగ్ సెంటర్ (PTC), అంబర్‌పేట్, హైదరాబాద్ లో జనవరి 3 వ తేదీన ఇంటర్వ్యూలు ఉంటాయన్నారు.