30 ఏళ్లుగా ఏ కార్యక్రమమైనా అక్కడి నుంచే స్టార్ట్.. కానీ ఆ ఒక్కటీ మాత్రం.. ఎట్టకేలకు తీరింది!

కృష్ణా జిల్లా మారేడుమాక గ్రామ ప్రజల ఎదురుచూపులు ఫలించాయి. 30 ఏళ్లకు ఆ ఊర్లోకి ఆర్టీసీ బస్సు వచ్చింది. గత 30 ఏళ్లుగా తమ ఊరికి ఆర్టీసీ బస్సు నడపాలని ఆ ఊరి జనం కోరుతూ వస్తున్నారు. అయితే రోడ్డు సరిగా లేకపోవటం, ప్రయాణికుల సంఖ్య తక్కువ కావటంతో ఆర్టీసీ ఆ దిశగా చర్యలు చేపట్టలేదు. తాజాగా రోడ్డును బాగు చేయటంతో ఊరిజనం మరోసారి వినతి పత్రం సమర్పించారు. దీంతో ఆర్టీసీ అధికారులు స్పందించి ఆర్టీసీ బస్సు ఏర్పాటు చేశారు. శుక్రవారం ఊర్లోకి తొలిసారిగా బస్సు రావటంతో ఊరిజనం సంతోషం వ్యక్తం చేశారు.