75% పూర్తైన ఎయిమ్స్ బీబీనగర్ నిర్మాణం.. ఫోటోలు షేర్ చేసిన కేంద్ర మంత్రి

AIIMS Bibinagar: తెలంగాణ ప్రజలకు అత్యాధునిక వైద్య సేవలు అందించేందుకు కేంద్ర ప్రభుత్వం తలపెట్టిన ఎయిమ్స్ బీబీనగర్ నిర్మాణ పనులు శరవేగంగా పూర్తవుతున్నాయి. 75 శాతం పనులు పూర్తయ్యాయని కేంద్ర మంత్రి కిషన్ రెడ్డి తెలిపారు. ఈ ఏడాది డిసెంబర్‌లోగా పనులు పూర్తిచేసి ఆస్పత్రిలో కార్యకలాపాలు పూర్తి స్థాయిలో అందుబాటులోకి తీసుకురానున్నారు. ఇప్పటికే 33 విభాగాల్లో వైద్య సేవలు ప్రారంభించారు. హైదరాబాద్‌లో ఎయిమ్స్ బీబీనరగ్ అర్బన్ హెల్త్ అండ్‌ ట్రైనింగ్ సెంటర్‌‌ను ఏర్పాటు చేయనున్నారు.