Alluri District: సారూ.. కాస్త బడి కట్టించరూ!

ప్రపంచం మొత్తం అభివృద్ధి వైపు దూసుకుపోతున్నా.. అభివృద్ధికి ఆమడ దూరంలో, ఆ పదానికి అర్థం కూడా తెలియని స్థితిలో గ్రామీణ భారతంలో అనేక గ్రామాలు ఉన్నాయి. ముఖ్యంగా ఏజెన్సీ ప్రాంతాలు. మౌలిక వసతులు లేక వారు పడే ఇబ్బందులు ఎన్నో. రోడ్డుమార్గాలు లేక డోలీ మోతల ఘటనలు మనం ఎన్నో చూసుంటాం. అల్లూరి జిల్లా లబుడుపుట్టు గ్రామంలో సరైన స్కూలు లేక చిన్నారులు ఇబ్బందులు పడుతున్నారు. పాఠశాల శిథిలావస్థకు చేరుకోవటంతో... రేకుల షెడ్లులో స్కూలు నిర్వహిస్తున్నారు. అయితే వానాకాలం కావటంతో చినుకు పడితే చాలు స్కూలుకు సెలవు ప్రకటించే పరిస్థితి. ఇప్పటికైనా అధికారులు స్పందించాలని గ్రామస్థులు కోరుతున్నారు.