Amaravati: రాజధాని నిర్మాణంలో నెదర్లాండ్స్ మోడల్.. ఆ ఇబ్బందులు తప్పినట్టే!

అమరావతి రాజధాని నిర్మాణానికి అత్యధిక ప్రాధాన్యం ఇస్తున్న టీడీపీ కూటమి సర్కారు.. అమరావతిలో వరదల నివారణకు నెదర్లాండ్స్ తరహా విధానం అనుసరించాలని నిర్ణయించింది. సోమవారం సీఆర్‌డీఏ సమావేశం జరిగింది. అనంతరం మీడియాతో మాట్లాడిన మున్సిపల్ శాఖ మంత్రి నారాయణ.. ఈ వివరాలను వెల్లడించారు. అమరావతిలో 217 చదరపు కిలోమీటర్ల పరిధిలో రిజర్వాయర్లు నిర్మించాలని ఆలోచిస్తున్నట్లు చెప్పారు. వరద నీటి నిర్వహణతో పాటుగా అమరావతికి వరద ముప్పు లేకుండా చేసేందుకు వీటిని నిర్మించే ఆలోచనలో ఉన్నట్లు చెప్పారు.