Amrapali kata: ఏపీలో బాధ్యతలు స్వీకరించిన ఆమ్రపాలి.. ఉద్యోగుల సత్కారం

ఐఏఎస్ అధికారి ఆమ్రపాలి కాటా.. ఏపీటీడీసీ ఎండీగా బుధవారం బాధ్యతలు స్వీకరించారు. తెలంగాణ నుంచి ఇటీవలే బదిలీపై వచ్చిన ఆమెను ఏపీ ప్రభుత్వం పర్యాటక అభివృద్ధి సంస్థ ఎండీగా నియమించింది. అలాగే టూరిజం అథారిటీ సీఈవోగా పూర్తిస్థాయి అదనపు బాధ్యతలు అప్పగించింది. ఈ నేపథ్యంలో ఆమ్రపాలి ఇవాళ బాధ్యతలు స్వీకరించారు. అనంతరం పర్యాటకశాఖ మంత్రి కందుల దుర్గేష్‌ను కలిసి భేటీ అయ్యారు. పర్యాటక రంగానికి చెందిన వివిధ అంశాలపై ఇరువురు చర్చించారు. ఈ సందర్భంగా పర్యాటక శాఖ ఉద్యోగులు ఆమెను సత్కరించారు.