AP Cabinet: ఫిబ్రవరి 6న ఏపీ కేబినెట్ భేటీ.. కీలక అంశాలపై చర్చించనున్న మంత్రివర్గం

AP Cabinet: త్వరలోనే ఆంధ్రప్రదేశ్ మంత్రివర్గ సమావేశం జరగనుంది. వచ్చే నెల 6వ తేదీన ఏపీ కేబినెట్ సమావేశం జరగనున్నట్లు సంబంధిత వర్గాలు వెల్లడించాయి. ఈ మంత్రివర్గ భేటీలో కీలక అంశాలపై ముఖ్యమంత్రి, మంత్రులు చర్చించనున్నట్లు సమాచారం. ఆంధ్రప్రదేశ్ బడ్జెట్ సమావేశాల నిర్వహణ, ఏపీలో వాట్సాప్ గవర్నెన్స్, త్వరలో రాష్ట్రంలో అమలు చేయనున్న వివిధ సంక్షేమ పథకాల గురించి ఏపీ కేబినెట్ భేటీలో చర్చకు రానున్నట్లు విశ్వసనీయ వర్గాల ద్వారా తెలుస్తోంది.