AP Floods: వరదల్లో ఇంటర్ సర్టిఫికేట్లు పోయాయా?.. ఇలా చేస్తే ఫ్రీగా మీ చేతికి..

ఏపీలో ఇటీవల వచ్చిన వరదలు బీభత్సం సృష్టించిన సంగతి తెలిసిందే. మరీ ముఖ్యంగా విజయవాడ ప్రాంతంలో ఇళ్లల్లోకి వరదనీరు చేరి జనం తీవ్ర ఇబ్బందులు పడ్డారు. వరదల కారణంగా చాలా మంది విద్యార్థులు సర్టిఫికేట్లను సైతం కోల్పోయారు. అయితే ఇలాంటి వారి కోసం ఇంటర్ విద్యామండలి కీలక నిర్ణయం తీసుకుంది. వరదల్లో సర్టిఫికేట్లు కోల్పోయిన విద్యార్థులకు ఉచితంగా సర్టిఫికేట్లు ఇవ్వాలని నిర్ణయించింది. సర్టిఫైడ్ కాపీలను, డూప్లికేట్ సర్టిఫికేట్లు ఉచితంగా ఇవ్వాలంటూ ఏపీ ఇంటర్మీడియట్ విద్యామండలి ఆదేశాలు జారీ చేసింది.