AP Gas Cylinders: భీమవరంలో 35 గ్యాస్ సిలిండర్లు సీజ్.. ఆ పొరపాటు చేస్తే సిలిండర్లు పోయినట్టే..!

ఏపీలో గ్యాస్ సిలిండర్లు పొందుతున్న వారికి అలర్ట్. భీమవరంలో 35 సిలిండర్లను పౌరసరఫరాల శాఖ, రెవెన్యూ శాఖ అధికారులు సీజ్ చేశారు. గృహావసరాలకు వాడాల్సిన సిలిండర్లను అక్రమంగా వాణిజ్య అవసరాలకు వాడుతున్న నేపథ్యంలో అధికారులు ఈ చర్యలు తీసుకున్నారు. హోటళ్లు, గ్యాస్ ఫిల్లింగ్ కేంద్రాలపై దాడులు చేసిన అధికారులు.. 35 సిలిండర్లను అక్రమంగా వాడుతున్నట్లు గుర్తించారు. వాటిని సీజ్ చేసి.. వాడుతున్నవారిపై కేసులు నమోదుచేశారు. వాణిజ్య అవసరాల కోసం కమర్షియల్ సిలిండర్లను కొనుగోలు చేసి వాడుకోవాలని అధికారులు సూచిస్తున్నారు.