AP Government: ఏపీలో మారిపోనున్న సబ్ రిజిస్ట్రార్ ఆఫీసుల రూపురేఖలు.. కీలక ఉత్తర్వులు జారీ

Seating in registration offices to Change in Andhra pradesh: ఆంధ్రప్రదేశ్ ప్రభుత్వం పాలనలో నూతన మార్పులు తీసుకువస్తోంది. ఈ క్రమంలోనే సబ్ రిజిస్ట్రార్ ఆఫీసుల్లో పాత తరహా రాచరికపు పోకడలకు ముగింపు పలకాలని నిర్ణయించింది. సబ్ రిజిస్ట్రార్ కూడా సామాన్యుడేనని.. సబ్ రిజిస్ట్రార్ ఆఫీసుల్లో జనం అమర్యాదకరంగా ఫీల్ కాకూడదనే ఉద్దేశంతో కీలక నిర్ణయాలు తీసుకుంది. ఈ మేరకు ఏపీ రెవెన్యూశాఖ మంత్రి అనగాని సత్యప్రసాద్, రెవెన్యూశాఖ ప్రత్యేక కార్యదర్శి ఆర్సీ సిసోదియా కీలక ప్రతిపాదనలు చేశారు. దీని ప్రకారం ఏపీలోని సబ్ రిజిస్ట్రార్ ఆఫీసుల రూపురేఖలు మారిపోనున్నాయి.