AP Liquor Policy: మందుబాబులకు షాకిచ్చిన ఏపీ ప్రభుత్వం.. బాటిల్ మరింత రేటు..!

ఏపీలో రేపటి నుంచి నూతన మద్యం విధానం అమల్లోకి రానుంది. అయితే ఈలోపే మందు బాబులకు ఏపీ ప్రభుత్వం షాక్ ఇచ్చింది. మద్యంపై డ్రగ్స్ రీహాబిలిటేషన్ సెస్ విధిస్తూ నిర్ణయం తీసుకుంది. ఈ నిర్ణయం తక్షణమే అమల్లోకి వస్తుందంటూ ఉత్తర్వులు జారీ చేసింది. తాజా ఉత్తర్వుల ప్రకారం మద్యంపై 2 శాతం డ్రగ్స్ రీహాబిలిటేషన్ వసూలు చేయనున్నారు. ఇప్పటికే రౌండప్ ఛార్జీలతో మద్యం ధరలు పెరిగే అవకాశం ఉండగా.. ఇప్పుడు రెండు శాతం సెస్సుతో మరింత అధికం కానున్నాయి. ఇక ఈ సెస్సు ద్వారా ప్రభుత్వానికి రూ.100 కోట్లు ఆదాయం వస్తుందని అంచనా.