AP NEWS: ఇల్లు లేనివారికి సూపర్ న్యూస్.. బడ్జెట్‌లో ఏపీ ప్రభుత్వం కీలక ప్రకటన

ఏపీలో ఇల్లు కట్టుకోవాలనుకునేవారికి టీడీపీ కూటమి ప్రభుత్వం గుడ్ న్యూస్ వినిపించింది. వచ్చే ఐదేళ్లలో రాష్ట్రంలో 25 లక్షల ఇళ్లు కట్టించనున్నట్లు ఆంధ్రప్రదేశ్ ప్రభుత్వం సోమవారం ప్రవేశపెట్టిన బడ్జెట్‌లో వెల్లడించింది. ప్రధానమంత్రి ఆవాస్ యోజనతో కలిపి ఈ పథకాన్ని అమలు చేయనున్నారు. మరోవైపు ఇల్లులేనివారికి పట్టణాల్లో రెండు సెంట్లు, గ్రామాల్లో మూడు సెంట్లు స్థలం ఇస్తామంటూ గతంలోనే టీడీపీ కూటమి ప్రభుత్వం, సీఎం నారా చంద్రబాబు నాయుడు హామీ ఇచ్చారు. ఈ నేపథ్యంలో తాజాగా 25 లక్షల ఇళ్లు/ పట్టాలు అందిస్తామని ప్రభుత్వం బడ్జెట్‌‍లో ప్రకటించడంతో లబ్ధిదారుల్లో ఆశలు మొదలయ్యాయి