AP News: ఏపీలో ఆ జిల్లా పేరు మారనుందా..? చంద్రబాబుకు మంత్రి రిక్వెస్ట్

ఏపీలో ఓ జిల్లా పేరు మారే అవకాశాలు కనిపిస్తున్నాయి. వైఎస్సార్ జిల్లా పేరును మార్చాలంటూ ఏపీ ఆరోగ్యశాఖ మంత్రి సత్యకుమార్ యాదవ్.. ముఖ్యమంత్రి చంద్రబాబును కోరారు. కలియుగదైవం వేంకటేశ్వరుడి సన్నిధికి చేరడానికి తొలిగడప కడపగా పేర్కొన్న సత్యకుమార్ యాదవ్.. కడప పేరుకు ఒక చారిత్రక నేపథ్యం, ఆధ్యాత్మిక ప్రాశస్త్యం ఉన్నాయన్నారు. అయితే వాటి పట్ల కనీస అవగాహన లేని మాజీ సీఎం వైఎస్ జగన్.. పేర్ల పిచ్చితో జిల్లా పేరును వైఎస్సార్ జిల్లాగా మార్చడం తప్పని అన్నారు. కడప జిల్లా ప్రజల మనోభావాల మేరకు జిల్లా పేరుని గెజిట్‌లో మార్పులు చేసి తప్పును సరిదిద్దాలని సత్యకుమార్ యాదవ్ కోరారు.