AP Rain alert: బంగాళాఖాతంలో అల్పపీడనం.. ఏపీలోని ఈ జిల్లాలలో వానలు

ఏపీవాసులకు ముఖ్య గమనిక. రాష్ట్రంలో మళ్లీ వానలు కురవనున్నాయి. బంగాళాఖాతంలో అల్పపీడనం ఏర్పడినట్లు వాతావరణశాఖ తెలిపింది. దీని ప్రభావంతో వచ్చే నాలుగు రోజులు ఏపీలో వానలు కురిసే అవకాశం ఉందని అంచనా వేసింది. ముఖ్యంగా రాయలసీమ జిల్లాలలో భారీ వర్షాలు కురిసే అవకాశం ఉందని తెలిపింది. మరోవైపు ఏపీ విపత్తుల నిర్వహణ సంస్థ సైతం ఆదివారం పలు జిల్లాలలో వానలు పడే అవకాశం ఉందని హెచ్చరించింది. అయితే తేలికపాటి నుంచి మోస్తరు వర్షాలు మాత్రమే కురుస్తాయని తెలిపింది.