AP Rains: ఆంధ్రప్రదేశ్‌పై అల్పపీడనం ప్రభావం.. ఈ జిల్లాల్లో భారీ వర్షాలు, వాతావరణశాఖ అలర్ట్

Ap Weather Today: బంగాళాఖాతంలో ఏర్పడిన అల్పపీడనం బలహీనపడినా సరే ఆంధ్రప్రదేశ్ రాష్ట్రంలో వర్షాలు కురుస్తాయని ఏపీ విపత్తుల నిర్వహణ సంస్థ తెలిపింది. ఆంధ్రప్రదేశ్ రాష్ట్రంలో చలికాలం కొనసాగుతున్నా వర్షాలు మాత్రం వదలడం లేదు. ఈ నెల 15, 16 తేదీలలో అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉందని ఏపీ విపత్తుల నిర్వహణ సంస్థ ఎండి రోణంకి కూర్మనాథ్ తెలిపారు. రైతులు పండించిన ధాన్యాన్ని సురక్షిత ప్రదేశాలలో నిలువ చేసుకోవాలని, తడవకుండా చూసుకోవాలని సూచించారు.