Bus Accident: తెలంగాణలో పెను ప్రమాదం.. ప్రైవేట్ స్కూల్ బస్సు బోల్తా..

ఖమ్మం జిల్లా వేంసూరు మండలం మొద్దులుగూడెంలోని శ్రీ వివేకానంద విద్యాలయం స్కూల్ బస్సు ప్రమాదానికి గురైంది. శుక్రవారం సాయంత్రం విద్యార్థులతో వెళ్తున్న బస్సు, గణేష్‌పాడు వద్ద నియంత్రణ కోల్పోయి పంట కాలవలోకి ఒరిగిపోయింది. ఈ ఘటన సమయంలో బస్సులో సుమారు 106 మంది విద్యార్థులు ఉండగా, 40 మందికి గాయాలయ్యాయి. వీరిలో ఇద్దరి పరిస్థితి విషమయంగా ఉన్నట్లు తెలుస్తోంది. డ్రైవర్ మద్యం సేవించి వాహనం నడపడమే ఈ ప్రమాదానికి కారణమని విద్యార్థులు ఆరోపిస్తున్నారు. గాయపడిన వారిని వెంటనే వేంసూరు ప్రభుత్వ ఆసుపత్రికి తరలించారు.