Chandrababu: ఏపీ ముఖ్యమంత్రి చంద్రబాబుకు అరుదైన గౌరవం.. బీజేపీ సీఎంలను పక్కన పెట్టి మరీ..!

Chandrababu: హర్యానా ముఖ్యమంత్రి నాయబ్ సింగ్ సైనీ ప్రమాణ స్వీకారోత్సవానికి హాజరైన ఆంధ్రప్రదేశ్ ముఖ్యమంత్రి నారా చంద్రబాబు నాయుడుకు అరుదైన గౌరవం లభించింది. ప్రమాణ స్వీకార వేదికపై చంద్రబాబుకు కేటాయించిన సీటు చాలా ఆసక్తికరంగా మారింది. బీజేపీ అగ్రనేతలు, కేంద్రమంత్రులు అమిత్ షా, జేపీ నడ్డాల మధ్యలో చంద్రబాబు నాయుడుకు సీటును రిజర్వ్ చేశారు. దీంతో ఎన్డీఏ కూటమిలో, జాతీయ స్థాయిలో చంద్రబాబుకు.. బీజేపీ ఎంతటి గౌరవం ఇస్తుందో ఇది చూస్తే అర్థం అవుతోందని టీడీపీ శ్రేణులు పేర్కొంటున్నాయి.