Chandrababu: నా తమ్ముడు వదిలి వెళ్లిపోయాడు.. చంద్రబాబు ఎమోషనల్

ఏపీ సీఎం చంద్రబాబు కుటుంబంలో విషాదం నెలకొంది. చంద్రబాబు సోదరుడు నారా రామ్మూర్తి నాయుడు శనివారం కన్నుమూశారు. హైదరాబాద్‌లోని ఏఐజీ ఆస్పత్రిలో చికిత్స పొందుతూ ప్రాణాలు కోల్పోయారు. నారా రామ్మూర్తి నాయుడు మరణవార్త తెలుసుకుని ఢిల్లీ పర్యటనలో ఉన్న నారా చంద్రబాబు నాయుడు హుటాహుటిన హైదరాబాద్ చేరుకున్నారు. రామ్మూర్తి నాయుడు కుటుంబాన్ని పరామర్శించారు. మరోవైపు రామ్మూర్తి నాయుడు మృతిపై తెలంగాణ సీఎం రేవంత్ రెడ్డి, ఏపీ డిప్యూటీ సీఎం పవన్ కళ్యాణ్ సహా పలువురు ప్రముఖులు సంతాపం వ్యక్తం చేశారు.