Chandrababu: శ్రీశైలానికి మహర్దశ.. తిరుమల తరహాలో.. మంత్రులతో కమిటీ ఏర్పాటు!

ఏపీ సీఎం చంద్రబాబు నాయుడు శ్రీశైలం ఆలయాన్ని సందర్శించారు. విజయవాడలో సీ ప్లేన్ సర్వీస్ ప్రారంభించిన చంద్రబాబు.. అందులోనే శ్రీశైలం వెళ్లారు. మల్లన్న స్వామిని దర్శించుకున్నారు. అనంతరం విలేకర్ల సమావేశంలో మాట్లాడిన చంద్రబాబు నాయుడు.. గండికోటలోనూ సీ ప్లేన్ సర్వీసులు తెచ్చే ఆలోచన చేస్తున్నట్లు తెలిపారు. శ్రీశైలం పరిసర ప్రాంతాలను పర్యాటకంగా అభివృద్ధి చేసేందుకు మంత్రులతో కమిటీ వేయనున్నట్లు వెల్లడించారు. అలాగే సోషల్ మీడియా వేదికగా అసభ్యకరమైన పోస్టులు పెట్టే వారిని చంద్రబాబు మరోసారి హెచ్చరించారు. అలాంటి వారు ఏ పార్టీలో ఉన్నా ఊరుకునేది లేదని వార్నింగ్ ఇచ్చారు.