DWCRA మహిళలకు గుడ్‌న్యూస్.. ఏకంగా రూ.25 వేల కోట్లు.. డిప్యూటీ సీఎం కీలక ప్రకటన

DWCRA Group Interest Free Loans: మహిళాభివృద్ధిలో దేశానికి తెలంగాణ రాష్ట్రమే ఆదర్శమని డిప్యూటీ సీఎం భట్టి విక్రమార్క చెప్పుకొచ్చారు. ఖమ్మం కలెక్టరేట్‌లోని మహిళా శక్తి క్యాంటీన్‌, బస్సు షెల్టర్‌ను భట్టి విక్రమార్క ప్రారంభించారు. వడ్డీలేని రుణాలు ఇచ్చి మహిళలను వ్యాపారవేత్తలుగా తీర్చిదిద్దుతామని చెప్పుకొచ్చారు. ఈ ఏడాదిలోనే ఏకంగా రూ.25 వేల కోట్ల వడ్డీ లేని రుణాలు ఇవ్వాలని ప్రభుత్వం లక్ష్యంగా పెట్టుకుందని తెలిపారు. ఆర్టీసీలోనూ డ్వాక్రా సంఘాలను భాగస్వామ్యం చేయాలని ఆలోచిస్తున్నట్టు భట్టి విక్రమార్క చెప్పుకొచ్చారు.