Flood Relief Fund: ఏపీకి వరద సాయం విడుదల చేసిన కేంద్రం.. ఎంతంటే?

వరదలతో అతలాకుతలమైన ఏపీకి కేంద్రం వరద సాయం ప్రకటించింది. 14 రాష్ట్రాలకు వరద సాయం ప్రకటించిన కేంద్ర హోంశాఖ.. ఏపీకి రూ.1036 కోట్లు విడుదల చేసింది. అయితే కేంద్ర బృందం ప్రాథమిక నివేదికల ఆధారంగా ఈ మొత్తం విడుదల చేశామన్న కేంద్ర హోంశాఖ.. పూర్తిస్థాయి నివేదికలు వచ్చిన తర్వాత మరిన్ని నిధులు విడుదల చేస్తామని తెలిపింది. ఇక ఏపీలో వరద కారణంగా రూ.6,882 కోట్లు వరద నష్టం సంభవించిందని ఏపీ ప్రభుత్వం కేంద్రానికి ప్రాథమిక నివేదిక సమర్పించిన సంగతి తెలిసిందే.