G.Sai Prasad: సెకండ్ హ్యాండ్ పుస్తకాలు చదివి ఐఏఎస్.. రాష్ట్రంలోనే తొలిసారిగా వారి కోసం కాంప్లెక్స్..

ఏపీ నూతన సీఎస్‌గా జి. సాయి ప్రసాద్ బాధ్యతలు స్వీకరించారు. గతంలో ప్రభుత్వ శాఖలలో వివిధ హోదాలలో పనిచేసిన ఆయన.. సీఎస్ విజయానంద్ పదవీకాలం పూర్తి కావటంతో నూతన ప్రభుత్వ ప్రధాన కార్యదర్శిగా బాధ్యతలు స్వీకరించారు. ఈ నేపథ్యంలో 30 ఏళ్ల కిందట గుంటూరు మున్సిపల్ కమిషనర్‌గా పనిచేసిన సమయంలో సాయి ప్రసాద్ చేసిన ఓ పని.. ఇప్పుడు గుంటూరు జనం మదిలో మెదులుతోంది. సాధారణ తనిఖీలలో భాగంగా అరండల్ పేటలో పర్యటించిన ఆయన.. అక్కడ వీధులలో పుస్తకాలు అమ్మేవారి కష్టాలు చూసి.. వారి కోసం అప్పట్లో ఓ కాంప్లెక్స్ కట్టించారు.