GVMC: కొత్త సంవత్సరం వేళ కొత్త మార్పులు.. జనవరి ఒకటి నుంచే ప్రారంభం..

జీవీఎంసీలో మరో రెండు కొత్త జోన్లు అందుబాటులోకి వచ్చాయి. ప్రస్తుతం ఉన్న ఎనిమిది జోన్లను పదికి పెంచిన సంగతి తెలిసిందే. జనవరి ఒకటో తేదీ నుంచి నూతన జోనల్ కార్యాలయాల నుంచి కార్యకలాపాలు మొదలు కానున్నాయి. ఈ విషయంపై జోనల్ కమిషనర్లకు.. జీవీఎంసీ కమిషనర్ కేతన్ గార్గ్ ఆదేశాలు జారీ చేశారు. జనవరి ఒకటి నుంచి కార్యకలాపాలు మొదలుపెట్టేలా కార్యాలయం, సిబ్బంది, అధికారులను ఏర్పాటు చేసుకోవాల్సిందిగా సోమవారం జరిగిన వీడియో కాన్ఫరెన్స్ సమావేశంలో ఆదేశించారు.