HYD ఉప్పల్ స్కైవాక్‌కు 'ఫ్లైఓవర్' గండం.. తొలగింపు తప్పదా..?

హైదరాబాద్‌లోని ఉప్పల్ స్కైవాక్‌కు ఎలివేటెడ్ కారిడార్ రూపంలో గండం పొంచి ఉంది. ఇక్కడ నిర్మిస్తున్న కొత్త కారిడార్ పిల్లర్ల కోసం స్కైవాక్‌ను వరంగల్ జాతీయ రహదారి వైపు సుమారు 17 మీటర్ల మేర తాత్కాలికంగా తొలగించనున్నారు. మెట్రో రైలు లైన్‌ను దాటేలా ఈ ఫ్లైఓవర్‌ను గరిష్ఠంగా 75 అడుగుల ఎత్తులో నిర్మిస్తున్నారు. ఈ తొలగింపు, పునర్నిర్మాణ పనుల అంచనా వ్యయం కోసం నేడు ఒక కన్సల్టెన్సీ సంస్థ అధ్యయనం చేయనుంది. ఈ ఖర్చును మల్కాజిగిరి మున్సిపల్ కార్పొరేషన్ భరించే అవకాశం ఉంది.