HYD: నగదు నింపమంటే గుట్టుగా నొక్కేశారు.. ఏటీఎంల నుంచి రూ. 1.20 కోట్లు మాయం

హైదరాబాద్ ఎస్సార్ నగర్ పరిధిలో సీఎంఎస్ ఇన్ఫో సిస్టమ్స్ సంస్థకు చెందిన ఇద్దరు కస్టోడియన్లు రూ. 1.20 కోట్ల మేర ఏటీఎం నగదును అపహరించి పరారయ్యారు. సంస్థ నిర్వహించిన ఆడిట్‌లో 31 ఏటీఎంలలో 8 చోట్ల భారీ నగదు లోటు ఉన్నట్లు గుర్తించారు. నిందితులు విధులకు హాజరు కాకుండా.. ఫోన్లు స్విచ్ఛాఫ్ చేయడంతో బ్రాంచ్ మేనేజర్ పోలీసులకు ఫిర్యాదు చేశారు. పోలీసులు కేసు నమోదు చేసి నిందితుల కోసం గాలింపు చర్యలు చేపట్టారు.