HYD రియల్ ఎస్టేట్‌పై సీఎం కామెంట్స్.. కూల్చివేతలపై 'హైడ్రా' కీలక ప్రకటన

హైదరాబాద్‌ నగరంలో రియల్‌ ఎస్టేట్‌కు భరోసా కల్పించేలా శనివారం సీఎం రేవంత్‌రెడ్డి ఇచ్చిన ఆదేశాలపై హైడ్రా కమిషనర్ తాజాగా స్పందించారు. నగరంలో కూల్చివేతలపై కీలక ప్రకటన విడుదల చేశారు. చట్టబద్ధమైన అనుమతులున్న వెంచర్ల విషయంలో భయపడాల్సిన అవసరం లేదని రంగనాథ్ వెల్లడించారు. చెరువుల వద్ద అనుమతులున్న నిర్మాణాలు కూల్చివేస్తారని తప్పుడు ప్రచారం చేస్తున్నారన్నారు. చెల్లుబాటు అయ్యే అనుమతులున్న నిర్మాణాలు కూల్చివేయబోమని ఆయన వెల్లడించారు.