Hyderabad Rain: అటు భారీ వర్షం.. ఇటు సీఎం కాన్వాయ్.. వాహనదారులకు నరకం..!

Hyderabad Rain Today: హైదరాబాద్‌లో వరుణుడు ఈరోజు (సెప్టెంబర్ 21న) విజృభించాడు. మేఘం విరిగిపడిందా అన్నట్టుగా.. జోరు వర్షం కురిపించాడు. భయంకరమైన ఉరుములు మెరుపులు ఈదురు గాలులతో కూడిన వర్షంతో.. నగరాన్ని అతలాకుతలం చేశాడు. ఉన్నట్టుంది కుండపోత వర్షం కుమ్మరించి.. గంట వ్యవధిలోనే ఆగమాగం చేశాడు. ఓవైపు వర్షమే ఆగం చేసిందంటే.. అందులోనే రోడ్డెక్కిన సీఎం రేవంత్ రెడ్డి పంజాగుట్ట నాగార్జున సర్కిల్‌ గుండా వెళ్లే వాహనదారులకు నరకం చూపించారు.