Hyderabad Rains: హైదరాబాద్‌లో భారీ వర్షాలు.. హిమాయత్ సాగర్ గేట్లు ఓపెన్, మూసీ ప్రాంతవాసులకు అలర్ట్

Hyderabad Rains: హైదరాబాద్‌ నగర వ్యాప్తంగా భారీ వర్షాలు కురుస్తున్నాయి. గురువారం కురిసిన భారీ వర్షానికి నగరం అల్లకల్లోలం అయింది. లోతట్టు ప్రాంతాలు పూర్తిగా జలమయం అయ్యాయి. ఈ నేపథ్యంలోనే హైదరాబాద్ నగర జంట జలాశయాల్లో ఒకటైన హిమాయత్ సాగర్ నుంచి నీటి విడుదల చేయాలని అధికారులు నిర్ణయించారు. మూసీ నదిలోకి నీటిని విడుదల చేస్తుండటంతో.. ఒడ్డున ఉండే ప్రజలు.. అలర్ట్‌గా ఉండాలని జీహెచ్ఎంసీ అధికారులు వెల్లడించారు.