HYDRA: ఎఫ్టీఎల్‌ పరిధిలో ఉన్నా ఆ ఇండ్లను కూల్చబోం.. హైడ్రా కమిషనర్ సంచలన ప్రకటన

HYDRA Demolition: హైదరాబాద్‌లో అక్రమార్కుల గుండెల్లో బుల్డోజర్లు పరుగెత్తించిన హైడ్రా.. ఎఫ్టీఎల్, బఫర్ జోన్లలో ఉన్న అక్రమ నిర్మాణాలపై కొరఢా ఝళిపిస్తూనే ఉంది. అయితే.. తాజాగా హైడ్రా కమిషనర్ ఏవీ రంగనాథ్.. కూల్చివేతలపై సంచలన ప్రకటన చేశారు. ఎఫ్టీఎల్ పరిధిలో ఉన్నప్పటికీ కూడా అనుమతులు ఉన్న ఇండ్లను కూల్చబోమని క్లారిటీ ఇచ్చారు. పలు సంస్థల సాయంతో ఎఫ్టీఎల్, బఫర్ జోన్‌ల పరిధులను నిర్ధారించనున్నామని హైడ్రా కమిషనర్ రంగనాథ్ చెప్పుకొచ్చారు.