jagtial Couple: పెళ్లైన 9 ఏళ్లకు పుట్టిన బిడ్డ.. కానీ, ఎంత పెద్ద కష్టం వచ్చింది? వేడుకుంటున్న దంపతులు

పెళ్లైన 9 ఏళ్ల తర్వాత.. లేక లేక కలిగిన బిడ్డను అపురూపంగా ఎత్తుకొని తనివితీరా ముద్దాడాలనుకున్నారు ఈ దంపతులు. కానీ, అందుకు అవకాశం లేకుండా పోయింది. పుట్టీ పుట్టడంతోనే పాప శ్వాస సమస్యతో బాధపడుతోంది. ఆక్సిజన్ సపోర్టు లేకపోతే తల్లడిల్లిపోతోంది. ఆ పాపను కాపాడుకునేందుకు అన్నిరకాలుగా ప్రయత్నిస్తున్నారు. ఇప్పటికే 10 లక్షలకు పైగా ఖర్చు చేశారు. మరో 15 నుంచి 20 లక్షల వరకు ఖర్చవుతుందని డాక్టర్లు చెప్తున్నారు. ఇన్నేళ్లకు కరుణించావా దేవుడా అని మనసులో మొక్కుకునేలోపే.. బిడ్డతో పాటు పుట్టెడు కష్టాన్ని కూడా తోడిచ్చి పంపించాడని ఆ దంపతులు బాధపడుతున్నారు. ఆ చిన్నారి తల్లిని ఆస్పత్రిలో చూస్తూ కుమిలిపోతున్నారు. ఇన్నేళ్లు పిల్లలు కావాలని ఎంతగా బాధపడ్డారో.. అంతకు మించిన నరకాన్ని అనుభవిస్తున్నా.. ఆ బాధను పంటి బిగువనే అదిమిపెట్టి.. పాపను ఆరోగ్యంగా తమ ఇంటికి తీసుకెళ్లాలన్న సంకల్పంతో పోరాడుతున్నారు. వారి సంకల్పానికి మన సాయం కూడా కావాలని కోరుకుంటున్నారు. ఆ చిన్నారిని ఆరోగ్యంగా ఇంటికి తీసుకెళ్లేందుకు చేతనైన సాాయం అందించి.. ఆ తల్లిదండ్రులకు తోడుగా నిలవాలని ఆశిస్తూ..!