KF Beer: మద్యంప్రియులకు కిక్కెక్కిచ్చే గుడ్‌న్యూస్.. మళ్లీ వచ్చేస్తున్నాయ్.. కీలక ప్రకటన

తెలంగాణలో మందుబాబులకు కిక్కిచ్చే వార్త వినిపించింది యునైటెడ్ బ్రూవరీస్ సంస్థ. ఈ మేరకు సోమవారం (జనవరి 20న) రోజున కీలక ప్రకటన వెలువరించింది. తెలంగాణకు మళ్లీ కింగ్ ఫిషర్ బీర్లు సరఫరా చేయనున్నట్టు ప్రకటించింది. పెండింగ్ బిల్లులు, ధరల పెంపు విషయంలో అసంతృప్తి వ్యక్తం చేసిన యునైటెడ్ బ్రూవరీస్.. తెలంగాణకు కింగ్ ఫిషర్ బీర్ల సరఫరా ఆపేస్తున్నామని ప్రకటించగా.. రేవంత్ రెడ్డి సర్కార్ చేపట్టిన చర్చలు సఫలమయ్యాయి.