Kurnool: ఆ రూట్లో బైపాస్ రోడ్డు.. నిధులు విడుదల.. తీరనున్న ట్రాఫిక్ కష్టాలు

మంత్రాలయంలో ట్రాఫిక్ సమస్యకు చెక్ పెట్టేందుకు అధికారులు చర్యలు తీసుకుంటున్నారు. మంత్రాలయం రాఘవేంద్రస్వామి మఠానికి వచ్చే భక్తుల వాహనాలు, స్థానిక వాహనాలతో రాఘవేంద్ర కూడలి వద్ద భారీగా ట్రాఫిక్ జామ్ అవుతోంది. వారాంతాలతో పాటుగా గురు, శుక్రవారాల్లోనూ ఈ సమస్య ఎక్కువగా ఉంది. దీంతో మంత్రాలయంలో బైపాస్ రోడ్డు నిర్మించాలని నిర్ణయం తీసుకున్నారు. ఈ బైపాస్ రోడ్డు నిర్మాణం కోసం తాజాగా 49 కోట్లు నిధులు విడుదలయ్యాయి. ఇందులో 16 కోట్లు భూసేకరణకు కేటాయించారు. డిసెంబర్ ఆఖరు నాటికి పనులు పూర్తిచేసేలా చర్యలు చేపడుతున్నారు.