Palnadu: పెన్ను కోసం గొడవ.. హాస్టల్ పైనుంచి దూకిన విద్యార్థిని.. అయ్యోపాపం

పల్నాడు జిల్లాలో విషాదం చోటుచేసుకుంది. పెన్ను విషయంలో తలెత్తిన గొడవ ఓ ఇంటర్ విద్యార్థిని ప్రాణం తీసింది. నరసరావుపేటలో ఈ ఘటన జరిగింది. జెట్టి అనూష అనే విద్యార్థిని నరసరావుపేటలోని ఓ ప్రైవేట్ కాలేజీలో ఇంటర్మీడియట్ మొదటి సంవత్సరం చదువుతోంది. అదే కాలేజీకి చెందిన హాస్టల్‌లో ఉంటూ చదువుకుంటోంది. అయితే శనివారం ఉదయం హాస్టల్‌లోని స్నేహితురాలితో పెన్ను విషయంలో స్వల్ప వివాదం చోటుచేసుకుంది. దీంతో మనస్తాపానికి గురైన అనూష.. హాస్టల్ భవనం నాలుగో అంతస్థు నుంచి కిందకు దూకింది. గాయాలపాలైన అనూషను ఆస్పత్రికి తరలించగా.. అప్పటికే చనిపోయినట్లు వైద్యులు ధ్రువీకరించారు.