Pawan kalyan Kurnool: ఓజీ.. ఓజీ అంటూ ఫ్యాన్స్ కేకలు.. పవన్ రియాక్షన్ చూశారా..?

ఏపీ డిప్యూటీ సీఎం పవన్ కళ్యాణ్ శనివారం కర్నూలు జిల్లాలో పర్యటించారు. రాష్ట్రవ్యాప్తంగా ఇంకుడు గుంతల కార్యక్రమంలో భాగంగా ఓర్వకల్లు మండలం పూడిచెర్ల గ్రామంలో ఫాం పాండ్ నిర్మాణ పనులకు పవన్ కళ్యాణ్ భూమి పూజ చేశారు. అనంతరం పూడిచెర్ల బహిరంగ సభలో పవన్ పాల్గొన్నారు. ఈ సందర్భంగా దేశం మొత్తం ఏపీ వైపు చూస్తోందన్న పవన్ కళ్యాణ్.. కష్ట సమయంలో కూటమికి అపూర్వ విజయం కట్టబెట్టారన్నారు. ఏపీ వ్యాప్తంగా పల్లె పండుగ సక్సెస్ కావడానికి చంద్రబాబే కారణమని అన్నారు. చంద్రబాబు నాయకత్వంలో పనిచేస్తానని మరోసారి పవన్ కళ్యాణ్ అన్నారు. మరోవైపు పవన్ కళ్యాణ్ ప్రసంగం సమయంలో ఫ్యాన్స్ హంగామా చేశారు. ఓజీ, ఓజీ అంటూ కేకలు వేశారు. దీంతో తాను పల్లె పండుగ, సీసీ రోడ్లు అంటే మీరు ఓజీ, ఓజీ అంటారంటూ పవన్ నవ్వుతూ అన్నారు.