RK Roja: బావ కళ్లల్లో ఆనందం కాదు.. భక్తుల కళ్లల్లో సంతోషం చూడండి పురందేశ్వరి గారూ..

తిరుమల లడ్డూ వ్యవహారంపై ఏపీలో రాజకీయ పార్టీల మధ్య మాటల మంటలు చెలరేగుతున్నాయి. సుప్రీంకోర్టు వ్యాఖ్యల తర్వాత ఇది మరింత ఎక్కువైంది. సుప్రీంకోర్టు చేసిన వ్యాఖ్యలకు సమాధానం చెప్పాలని వైసీపీ నేతలు డిమాండ్ చేస్తుండగా.. తనకున్న సమాచారం ఆధారంగా సీఎం చంద్రబాబు మాట్లాడారంటూ టీడీపీ కూటమి నేతలు కౌంటర్ ఇస్తున్నారు. ఇదే సమయంలో మాజీ మంత్రి రోజా కూటమి ప్రభుత్వంపై మరోసారి విమర్శలు గుప్పించారు. ఏపీ డిప్యూటీ సీఎం పవన్ కళ్యాణ్.. ఏపీ బీజేపీ చీఫ్ దగ్గుబాటి పురందేశ్వరి లక్ష్యంగా విమర్శలు చేశారు.