SI, CI అరెస్ట్‌తో కీసరవాసుల టపాసుల సంబరాలు.. రూ.5 లక్షల లంచం తీసుకుంటూ పట్టుబడ్డ పోలీసులు

లంచం కేసులో కీసర సీఐ, ఎస్సై అరెస్ట్ కావడంతో పోలీస్ స్టేషన్ ఎదుట స్థానికులు టపాసులు కాల్చి సంబరాలు చేసుకున్నారు. తమను వేధింపులకు గురి చేస్తున్న పోలీసులను లంచం కేసులో ఏసీబీ అరెస్ట్ చేయడాన్ని స్వాగతిస్తున్నట్లు నినాదాలు చేశారు. ఓ కేసులో స్టేషన్ బెయిల్ విషయంలో రూ.10 లక్షలు డిమాండ్ చేసి.. అందులో రూ.5 లక్షలను తీసుకుంటున్నట్లు సమాచారం అందడంతో ఏసీబీ అధికారులు కీసర సీఐ, ఎస్సైలను అరెస్ట్ చేశారు.