Telangana Rain: జులై 1 వరకు తెలంగాణలో భారీ వర్షాలు.. తేదీల వారీగా వర్షం కురిసే జిల్లాల జాబితా ఇదే..

Rain alert in telangana: నైరుతి రుతుపవనాలు, బంగాళాఖాతంలో అల్పపీడనం కారణంగా ఆంధ్రప్రదేశ్, తెలంగాణలో విస్తారంగా వర్షాలు కురుస్తున్నాయి. జూలై 1 వరకు తెలంగాణలోని పలు జిల్లాల్లో తేలికపాటి నుండి మోస్తరు వర్షాలు కురిసే అవకాశం ఉంది. గంటకు 30-40 కిలోమీటర్ల వేగంతో ఈదురుగాలులు వీచే అవకాశం ఉందని వాతావరణ శాఖ హెచ్చరించింది. జూలై 2, 3 తేదీల్లో కూడా మోస్తరు వర్షాలు కురిసే అవకాశం ఉంది. ప్రజలు అప్రమత్తంగా ఉండాలని సూచించారు.