TG: కోతుల బెడదతో ఉక్కిరిబిక్కిరి.. ఆ గ్రామస్తుల వినూత్న ఆలోచన.. దెబ్బకు పరార్..

సూర్యాపేట జిల్లా పాలకవీడు మండలం గుడుగుంట్లపాలెం గ్రామంలో కోతుల బెడదతో ప్రజలు తీవ్ర ఇబ్బందులు ఎదుర్కొంటున్నారు. పంటలు, ఇళ్లపై దాడులు పెరగడంతో గ్రామస్థులు ఆందోళన చెందుతున్నారు. ఈ సమస్యను ఎదుర్కొనేందుకు గ్రామ పంచాయతీలో పనిచేస్తున్న రాపోలు నరసయ్య వినూత్న మార్గం ఎంచుకున్నారు. కోతులను భయపెట్టేందుకు ఎలుగుబంటి వేషం వేసుకుని ప్రతిరోజూ ఉదయం నుంచి సాయంత్రం వరకు గ్రామంలో తిరుగుతున్నారు. ఆయన ఈ ప్రయత్నంతో గ్రామంలో కోతుల రాక తగ్గిందని స్థానికులు చెబుతున్నారు.