TG: నవోదయ ఎంట్రెన్స్ పరీక్షలో మాస్ కాపీయింగ్.. ఏకంగా ఇన్విజిలేటర్లే సహకరిస్తూ..

మంచిర్యాల జిల్లా చెన్నూరు ప్రభుత్వ హైస్కూల్‌లో జరిగిన నవోదయ ప్రవేశ పరీక్షలో మాస్ కాపీయింగ్ జరిగిందని విద్యార్థులు ఆందోళన వ్యక్తం చేశారు. కొందరు ఇన్విజిలేటర్లు కాపీ కొట్టడానికి సహకరించారని, అంతేకాకుండా ఓఎంఆర్ జవాబు పత్రాలను సైతం మార్చుకున్నారని తోటి విద్యార్థులు తీవ్రంగా ఆరోపించారు. ఈ అక్రమాల కారణంగా తమ భవిష్యత్తు ప్రశ్నార్థకంగా మారిందని ఆవేదన చెందారు. తమ భవిష్యత్తును నాశనం చేయాలని చూసిన ఇన్విజిలేటర్లపై వెంటనే కఠిన చర్యలు తీసుకోవాలని ఉన్నతాధికారులను కోరారు.