TG: రేషన్‌ కార్డుదారులకు బిగ్‌షాక్.. భారీగా కార్డులు రద్దు.. ఏకంగా 1.40 లక్షల వరకు..

తెలంగాణ రాష్ట్రంలో నకిలీ కార్డుల ఏరివేతలో భాగంగా.. 2025 అక్టోబర్ వరకు ఏకంగా 1,40,947 రేషన్ కార్డులను రద్దు చేసినట్లు కేంద్ర ప్రభుత్వం లోక్‌సభలో వెల్లడించింది. ఖమ్మం ఎంపీ రఘురాంరెడ్డి ప్రశ్నకు సమాధానంగా కేంద్ర మంత్రి ఈ వివరాలను తెలిపారు. అనర్హుల గుర్తింపు, నకిలీ కార్డుల ఏరివేత, కుటుంబ సభ్యుల మరణాలు వంటి కారణాలతోనే ఈ రద్దు జరిగింది. కేవలం ఈ-కేవైసీ పూర్తి కాలేదనే కారణంతో ఏ ఒక్క కార్డునూ రద్దు చేయలేదని కేంద్రం స్పష్టం చేసింది. ప్రస్తుతం తెలంగాణలో 56.60 లక్షల రేషన్ కార్డులు అమలులో ఉన్నాయి.