Thorns festival: ముళ్లకంపపై దొర్లితే కోరిన కోర్కెలు నెరవేరతాయట.! ఏపీలో వింత ఆచారం

అనుకోకుండా కాలికి ముళ్లు గుచ్చుకుంటేనే ప్రాణం విలవిల్లాడిపోతుంటుంది. నడిచే తోవలో ముళ్లు కనిపిస్తే ఆగి మరి.. మనకే కాదు ఇంకెవ్వరికీ గుచ్చుకోకూడదని దాన్ని తీసి పక్కన పడేస్తుంటాం. ఇక ముళ్ల కంప కనిపించిందా.. ఆ తోవలో వెళ్లేందుకు ధైర్యం కూడా చేయం. అలాంటిది కళ్ల ముందు ఏకంగా ముళ్లకంపే ఉండి.. దానిపై బట్టలు లేకుండా దొర్లాలంటే.. అమ్మబాబోయ్ అంతకంటే నరకం ఇంకోటి ఉంటుందా..? ఒళ్లంతా ఛిద్రమైపోదూ..! కానీ.. వీళ్లు మాత్రం ముళ్లకంపపై దొర్లటమే ఓ సంప్రదాయంగా పాటిస్తున్నారు. ఈ వింతైన, ఆసక్తికరమైన, అరుదైన ఆనవాయితీ.. ఎక్కడో కాదు.. ఆంధ్రప్రదేశ్‌లోని శ్రీ పొట్టి శ్రీరాములు నెల్లూరు జిల్లా.. మర్రిపాడు మండలం.. తిమ్మానాయుడుపేట గ్రామంలోని మహాలక్ష్మమ్మ దేవాలయంలో.. భక్తులు అత్యంత భక్తి శ్రద్ధలతో పాటిస్తున్నారు. మరి ఈ కంప తిరునాళ్ల మహోత్సవం విశేషాలేంటో ఈ వీడియోలో తెలుసుకుందాం.