Tirumala: భారీ వర్షాల ఎఫెక్ట్.. కార్యక్రమం వేదిక మార్చిన టీటీడీ

తిరుమల శ్రీవారి భక్తులకు ముఖ్య గమనిక. తిరుమలలో కార్తీక వన భోజన మహోత్సవాలను నిర్వహించడం ఆనవాయితీ. ఈ నేపథ్యంలోనే ఈ సారి కూడా ఆదివారం నిర్వహించేందుకు టీటీడీ సన్నద్ధం అయ్యింది. అయితే ఆదివారం రోజు భారీ వర్షాలు ఉన్నాయంటూ వాతావరణశాఖ హెచ్చరించిన నేపథ్యంలో టీటీడీ కార్తీక వన భోజన మహోత్సవం వేదిక మార్చింది. పార్వేట మండపంలో కాకుండా వైభవోత్సవ మండపంలో కార్తీక వన భోజన ఉత్సవం నిర్వహిస్తారు. మరోవైపు కార్తీక వన భోజన ఉత్సవం సందర్భంగా టీటీడీ ఆర్జిత సేవలు కూడా రద్దు చేసింది.