Tirupati Laddu: శ్రీవారి లడ్డూలో కల్తీ నెయ్యి వ్యవహారం మళ్లీ తెరపైకి.. రంగంలోకి దిగిన సిట్

తిరుపతి లడ్డూలో కల్తీ నెయ్యి వాడకం ఆరోపణలు ఇటీవల ఎంత సంచలనం రేపాయో అందరికీ తెలిసిందే. ఈ వ్యవహారం దేశవ్యాప్తంగా చర్చనీయాంశం కాగా.. ఇందులో నిజానిజాలను నిగ్గు తేల్చేందుకు సుప్రీంకోర్టు సిట్ ఏర్పాటు చేయాలని ఆదేశించింది. ఆ మేరకు ప్రత్యేక దర్యాప్తు బృందం కూడా ఏర్పాటైంది. అయితే దర్యాప్తులో భాగంగా సిట్‌లోని ఓ బృందం శుక్రవారం తిరుపతికి చేరుకుంది. తిరుపతిలోని భూదేవీ కాంప్లెక్స్‌లో వీరికి టెంపరరీ ఆఫీస్ కూడా ఏర్పాటు చేశారు. ఇక దర్యాప్తులో భాగంగా తిరుమలలో ఈ బృందం పర్యటించనున్నట్లు తెలిసింది.