Tirupati: పూజారులమనే సంగతి మరిచి.. ఆలయంలో ఇదేం పని! ఇద్దరు అర్చకులకు మెమోలు

వారిద్దరూ గౌరవనీయమైన హోదాలో ఉన్నారు. పవిత్రమైన విధులు నిర్వహిస్తున్నారు, కానీ ఇవన్నీ మరిచిపోయి.. భక్తుల సమక్షంలో దాడి చేసుకున్నారు. ఆంధ్రప్రదేశ్‌లోని తిరుపతి జిల్లా తలకోన శివాలయంలో జరిగిన ఈ ఘటన ఇప్పుడు నెట్టింట వైరల్ అవుతోంది. తలకోన శివాలయంలో ఇద్దరు అర్చకులు పరస్పరం దాడి చేసుకున్నారు. సహాయ అర్చకుడి బాధ్యతల కేటాయింపు వ్యవహారంలో వీరిద్దరి మధ్య విభేదాలు వచ్చాయి. ఈ క్రమంలోనే ఇద్దరి మధ్య వాగ్వాదం జరగ్గా.. మాటామాటా పెరిగి పరస్పరం కొట్టుకునే వరకూ వెళ్లింది. ఘటనపై ఇద్దరు అర్చకులకు ఉన్నతాధికారులు మెమో జారీ చేశారు.