TS SSC Result 2026 LIVE: కాసేపట్లో పది ఫలితాలు.. వాట్సాప్‌లోనూ రిజల్ట్స్‌, ఇలా చెక్ చేసుకోండి

TS Telangana 10th Result 2026 Manabadi LIVE Updates: తెలంగాణ రాష్ట్రవ్యాప్తంగా లక్షలాది మంది విద్యార్థులు ఎంతో ఉత్కంఠగా ఎదురుచూస్తున్న పదో తరగతి ఫలితాలు మరికాసేపట్లో విడుదల కానున్నాయి. మధ్యాహ్నం 2 గంటలకు ఫలితాలు రిలీజ్ చేయనున్నారు. రాష్ట్ర విద్యా పరిశోధన, శిక్షణ మండలి (ఎస్‌సీఈఆర్‌టీ) ప్రాంగణంలోని గోదావరి ఆడిటోరియంలో నిర్వహించే ప్రత్యేక కార్యక్రమంలో ప్రభుత్వ సలహాదారు కె.కేశవరావు, విద్యాశాఖ కార్యదర్శి యోగితారాణా, పాఠశాల విద్యాశాఖ డైరెక్టర్ నవీన్ నికోలస్‌లు కలిసి ఈ ఫలితాలను వెల్లడిస్తారు. ఈసారి ఫలితాల్లో కేవలం గ్రేడ్లు మాత్రమే కాకుండా.. సబ్జెక్టుల వారీగా విద్యార్థులు సాధించిన మార్కులను కూడా పొందుపరుస్తున్నట్లు ప్రభుత్వ పరీక్షల విభాగం సంచాలకుడు పీవీ శ్రీహరి వివరించారు.

ఈ ఏడాది విద్యాశాఖ ఒక వినూత్న నిర్ణయం తీసుకుంది. వెబ్‌సైట్లతో పాటు తొలిసారిగా వాట్సాప్ ద్వారా కూడా ఫలితాలను తెలుసుకునే వెసులుబాటును కల్పించారు. ఇందుకోసం విద్యార్థులు 8096958096 అనే నంబర్‌ను తమ ఫోన్‌లో సేవ్ చేసుకుని దానికి 'Hi' అని సందేశం పంపాలి. ఆ తర్వాత 'SSC Results' అని టైపు చేసి తమ హాల్‌టికెట్ నంబర్‌ను ఎంటర్ చేస్తే క్షణాల్లో ఫలితాలు మొబైల్ స్క్రీన్‌పై ప్రత్యక్షమవుతాయి. ఇప్పటికే ఈ నంబర్ ద్వారా హాల్‌టికెట్లు డౌన్‌లోడ్ చేసుకున్న వారికి ఫలితాలు ఆటోమేటిక్‌గా పంపిస్తారు. వీటితో పాటు results.bsetelangana.org, results.bse.telangana.gov.in, manabadi.co.inmanabadi.co.in వంటి వెబ్‌సైట్ల ద్వారా కూడా ఫలితాలను పొందవచ్చు.