TTD Donation: తిరుమల శ్రీవారికి భారీ విరాళాలు.. 9 రోజుల్లో ఎన్ని రూ.కోట్లు వచ్చాయో తెలుసా?

టీటీడీ ట్రస్టులకు భారీగా విరాళాలు అందుతున్నాయి. ఈ మధ్యకాలంలో టీటీడీ ట్రస్టులకు భారీ విరాళాలు వచ్చినట్లు టీటీడీ ఛైర్మన్ బీఆర్ నాయుడు తెలిపారు. ఈ మేరకు ఏయే ట్రస్టుకు ఎన్ని విరాళాలు వచ్చాయనేదానిపై ట్వీట్ చేశారు. గడిచిన 9 రోజుల్లో టీటీడీ ట్రస్టులకు రూ. 26.85 కోట్లు విరాళం రూపంలో వచ్చిందని ఆయన తెలిపారు. విరాళాల్లో అత్యధికంగా శ్రీవారి ఆలయ నిర్మాణ ట్రస్టుకు వచ్చినట్లు బీఆర్ నాయుడు తెలిపారు. బుధవారం కూడా రాజమండ్రికి చెందిన భక్తులు కోటి రూపాయలు విరాళంగా అందించారు.