TTD: తిరుమలలో కొత్త వంటశాల.. 1.2 లక్షల మంది భక్తులకు అన్నప్రసాదం.. ప్రారంభించిన సీఎం

AP CM Started new Kitchen in Tirumala: తిరుమల శ్రీవారి భక్తులకు శుభవార్త.. తిరుమల కొండపై మరో కొత్త వంటశాల అందుబాటులోకి వచ్చింది. ఏపీ సీఎం నారా చంద్రబాబు నాయుడు శనివారం వకుళామాత కేంద్రీకృత వంటశాలను ప్రారంభించారు. పాంచజన్యం విశ్రాంతి భవనం వెనుక ఈ వంటశాలను సుమారుగా 13 కోట్ల 50 లక్షల వ్యయంతో ఏర్పాటు చేశారు. తిరుమలలో భక్తుల రద్దీ అధికంగా ఉన్న సమయంలో 1.2 లక్షల మంది శ్రీవారి భక్తులకు అన్నప్రసాదం తయారు చేసే విధంగా ఈ వంటశాలను తీర్చిదిద్దారు. ఈ వంటశాలలో తయారుచేసిన ఆహారాన్ని వివిధ కౌంటర్ల ద్వారా భక్తులకు అందజేయనున్నారు.