Unique Muharram Celebration: వేటకొడవళ్లతో వింత డ్యాన్స్.. ఇదో సంప్రదాయం..

ఇక్కడ కొంతమంది యువకులు వేటకొడవళ్లతో ఎలా నృత్యం చేస్తున్నారో చూడండి..ఇంతకి ఇదేం పండుగో తెలుసా.. మెుహరం నాడు జరిగే పీర్ల ఊరేగింపు. కొడవళ్లతో పంట కోతే కాదు.. నాట్యం కూడా చేస్తామంటున్నారు.. ఉరవకొండ మండలం అమిద్యాల గ్రామంలోని ప్రజలు. అనంతపురం జిల్లా ఉరవకొండ మండలం అమిద్యాల గ్రామంలో.. మెుహరం వేడుకలను ప్రతి ఏటా ఘనంగా నిర్వహిస్తుంటారు. అయితే ఈ వేడుకల్లో ఒక విభిన్నమైన సంప్రదాయం ఇక్కడ చూడొచ్చు. గ్రామంలో పీర్ల ఉరేగింపు సమయంలో యువకులంతా వేటకొడవళ్లు పట్టుకుని డప్పు శబ్దాలకు అనుగుణంగా నృత్యాలు చేస్తుంటారు. దీనిని చూసేందుకు చుట్టు ప్రక్కల గ్రామాల నుంచి పెద్ద ఎత్తున ప్రజలు ఇక్కడికి తరలి వస్తుంటారు. గత కొన్నేళ్లుగా ఈ సంపద్రాయాన్ని ఇక్కడి ప్రజలు పాటిస్తున్నారు. కానీ, ఏ ఒక్క రోజు కూడా.. చిన్న గొడవ జరగలేదని స్థానికులు చెబుతున్నారు. భక్తిశ్రద్ధలతో ముస్లిం ప్రజలు జరుపుకునే మెుహరం వేడుకల్లో చాలా చోట్ల హిందువులు కూడా పాల్గొంటారు. ఇక్కడ కూడా అలానే హిందువులు పెద్ద ఎత్తున పాల్గొని.. వేట కొడవళ్లతో నృత్యం చేయడం ఆనవాయితీగా వస్తోంది. చిన్న, పెద్ద అనే తేడా లేకుండా జరపుకునే ఈ వేడుకలు అనంతపురం జిల్లాలో ఎంతో ఫేమస్.