Uppal: పెట్రోల్ పంపులో ఎలా మోసం చేస్తున్నారో చూశారా..

Uppal Petrol Pump | పెట్రోల్ పంపుల్లో మోసాలు చేస్తున్న తీరు వినియోగదారుల కళ్లు బైర్లు కమ్మేలా చేస్తున్నాయి. హైదరాబాద్ నగరంలోని ఉప్పల్ పరిధిలో తాజాగా మరో ఉదంతం వెలుగులోకి వచ్చింది. మైసూర్ హోటల్ ఎదురుగా ఉన్న పెట్రోల్ బంకులో ఓ యువకుడు రెండు బాటిళ్లలో లీటర్ చొప్పున పెట్రోల్ కొట్టించాడు. అయితే, రెండూ వంద రూపాయల పెట్రోలే అయినప్పటికీ.. పరిమాణంలో చాలా తేడా వచ్చింది. దీంతో పెట్రోల్ సిబ్బందిని అతడు నిలదీశాడు. ఎంట్రీ చేయడంలో ఏదో పొరపాటు జరిగిందంటూ పెట్రోల్ బంకు సిబ్బంది బుకాయించే ప్రయత్నం చేశారు. అక్కడే ఉన్న వాహనదారులు మెషిన్ ఎలా పొరపాటు చేస్తుందంటూ ప్రశ్నించారు. ఇందుకు సంబంధించిన వీడియో సోషల్ మీడియాలో వైరల్ అవుతోంది. అధికారులు తక్షణమే స్పందించి, దీనిపై చర్యలు తీసుకోవాలని డిమాండ్ చేస్తున్నారు.